Bizneset që u detyruan të dalin në tregun e lirë të energjisë në korrik janë faturuar me rreth 200 euro për megavat, çmim trefish më i lartë sesa me furnizim të rregulluar. Nga KEK-u dhe ZRRE-ja kanë heshtur rreth kësaj. E Oda Ekonomike dhe Shoqata e Prodhuesve paralajmërojnë se ky trend rrezikon mbylljen e fabrikave dhe humbjen e mijëra vendeve të punës.
Faturat që pranuan, sipas tyre, janë trefish më të larta sesa në periudhën kur furnizoheshin me çmime të rregulluara.
Shaqir Palushi, pronar i njërit prej bizneseve që ka dalë në treg të lirë të energjisë, ka thënë se fatura për korrik është tri herë më e lartë se ajo e majit.
Sipas një fature që ka siguruar KOHA, për 21 mijë kilovatë të konsumuar në korrik, një biznes u faturua me 4,422 euro, apo 201 euro për një megavat.
Në qershor, ministrja e Ekonomisë, Artane Rizvanolli, në një postim në rrjetet sociale kishte thënë se çmimi mesatar i siguruar përmes bursës ALPEX është 64.55 euro për megavat, duke kërkuar nga bizneset që të lidhin kontrata për furnizim.