Vlerësimi i Sistemit Statistikor të Kosovës përmes procesit “Peer Review” me ekipin e ekspertëve të angazhuar nga Eurostati luan një rol thelbësor në ruajtjen dhe përmirësimin e cilësisë, besueshmërisë dhe saktësisë së statistikave zyrtare. Derisa qeveritë dhe organizatat ndërkombëtare mbështeten gjithnjë e më shumë në vendimmarrjen e bazuar në të dhëna, rëndësia e një vlerësimi rigoroz dhe të pavarur të sistemeve statistikore nuk ka qenë kurrë më e madhe.
“Peer Review” në statistikat zyrtare është projektuar për tavlerësuar përputhshmërinë e instituteve kombëtare të statistikave (NSI) dhe autoriteteve të tjera statistikore me parimet dhe standardet e pranuara ndërkombëtarisht, si Kodi i Praktikës së Statistikave Evropiane (ESCoP) ose Parimet Themelore të Kombeve të Bashkuara për Statistikat Zyrtare (UNFPOS). Duke kryer vlerësime sistematike, “Peer Review” siguron që statistikat e prodhuara të jenë të paanshme, metodologjikisht të sakta dhe t’i përmbushin nevojat e politikë–bërësve, bizneseve dhe publikut.
Objektivat kryesore të procesit “Peer Review” përfshijnë:
Procesi “Peer Review” kryhet nga ekspertë të pavarur, të cilët i vlerësojnë agjencitë/institutet statistikore përmes analizës së dokumenteve, konsultimeve me palët e interesuara dhe vizitave në terren. Ekipi i ekspertëve përbëhet nga dy (2) ekspertë të pavarur që kanë marrë pjesë në procesin “PeerReview” të Sistemit Statistikor Evropian, një (1) ekspert nga Eurostati dhe ekspertë të mundshëm nga EFTA/UNECE. Këta ekspertë kanë kompetenca të kombinuara, aftësi dhe njohuri, si dhe së bashku i plotësojnë kriteret e përcaktuara për “PeerReview”.