Sekretari britanik i Mbrojtjes, John Healey, ka kundërshtuar të enjten spekulimet e ngritura mbi mundësinë e largimit të Shteteve të Bashkuara të Amerikës nga komanda e lartë ushtarake e NATO-s, shkruan The Guardian.
“Amerika nuk po largohet prej NATO-s. Si rezultat, për mua nuk ka hapësira boshe”, ka deklaruara Healey.
Megjithatë, informacionet më të fundit sugjerojnë se ideja për largimin e SHBA-së nga NATO-ja është anashkaluar, me Britaninë e Madhe veçanërisht të angazhuar për t’u siguruar që SHBA-ja të ruajë lidhjet me Evropën, pavarësisht skepticizmit të shumë anëtarëve të ekipit të lartë të presidentit amerikan, Donald Trump.
Kur Trump u pyet drejtpërdrejt të premten e kaluar mbi spekulimet, ai gjithashtu tingëlloi shpërfillës, megjithëse nuk e përjashtoi atë shprehimisht, duke thënë se aleanca ishte “zhdukur derisa erdha unë”, në kuptimin e kërkesave të presidentit amerikan ndaj vendeve evropiane që të rrisnin shpenzimet për mbrojtjen.
“NATO është e qëndrueshme, është e fortë, por ata duhet të na trajtojnë në mënyrë të barabartë”, ka shtuar Trump.