Në vend se të investojnë në rrjetet e ujësjellësit që shpeshherë dështojnë, institucionet publike po e kanë hallin se si të furnizohen me telefona të mençur e printerë termikë, shkruan Kujdestari.info.
Kështu ka bërë edhe Kompania Rajonale e Ujësjellësit “Gjakova”, e cila ka shpallur fituesin e tenderit për blerjen e 18 smartfonëve dhe 18 printerëve, me një vlerë prej pothuajse 8 mijë eurosh.
KRU Gjakova, kishte shpallur tender të hapur dhe vlera e parashikuar për këtë tender ka qenë 10 mijë e 440 euro.
Në këtë procedurë kishin ofertuar pesë kompani, derisa fitues ka dal, ofertuesi 515 CONCEPT SH.P.K., i cili kishte dhënë çmimin prej 7 mijë e 999 euro e 92 cent.
KRU Gjakova kishte kërkuar që telefonat të jenë Android pie.
