Deputetët e rinj të Kuvendit të Kosovës kanë dhënë sot betimin solemn, duke shënuar fillimin zyrtar të mandatit të ri legjislativ. Në një esence tjetër, po sonte, pritet të votohet edhe Qeveria e re e Republikës së Kosovës, në krye me kryeministrin Albin Kurti, shkruan Kujdestari.info.
Seanca konstituive e Kuvendit u zhvillua në përputhje me procedurat parlamentare, ku deputetët u zotuan për respektimin e Kushtetutës dhe ligjeve të vendit, si dhe për përmbushjen e detyrave të tyre në shërbim të qytetarëve.
Pas betimit, zgjedhjes së kryetarit nënkryetarëve të Kuvendit, dhe trupave parlamentar, Parlamenti pritet të procedojë edhe me votimin e përbërjes së re të Qeverisë, e cila do të udhëhiqet nga kryeministri Albin Kurti.
Ministrat e rinj të dikastereve ekonomike
Në kuadër të kabinetit të ri qeveritar, ministritë e dikastereve ekonomike pritet të drejtohen nga:
Ministër i Financave dhe Transfereve, Hekuran Murati
Ministre e Mjedisit, Fitore Pacolli
Ministre e Tregtisë dhe Industrisë, Mimoza Kusari-Lila
Ministër i Bujqësisë, Armend Muja
Ministër i Infrastrukturës, Dimal Basha
Ministër për Punë, Familje dhe Vlera të Luftës Çlirimtare – Andin Hoti
Ministre e Ekonoimisë – Artane Rizvanolli
Ministër për Zhvillim Rajonal – Rasim Demiri.
Qeveria e re pritet të fokusohet në zhvillimin ekonomik, stabilitetin financiar, investimet, mbështetjen e sektorit privat dhe reformat strukturore, të cilat janë theksuar si prioritete në programin qeverisës. Kurti III.
Mandati i ri vjen në një periudhë me sfida të rëndësishme për vendin, përfshirë zhvillimin ekonomik, integrimin evropian dhe forcimin e institucioneve. /Kujdestari.info/