Agjencia e Statistikave të Kosovës (ASK) ka publikuar Indeksin e Harmonizuar të Çmimeve të Konsumit (IHÇK) për muajin janar 2026 (viti bazë 2015=100), sipas të cilit inflacioni vjetor ka arritur në 5,8%, ndërsa inflacioni mujor është 1,2%, shkruan Kujdestari.info.
Sipas ASK-sw, indeksi i përgjithshëm i çmimeve është rritur mesatarisht për 5,8% krahasuar me janarin e vitit të kaluar. Sipas ASK-së, kjo rritje është ndikuar kryesisht nga ngritja e çmimeve në këto kategori:
Bileta të fluturimeve (+50,4%)
Furnizim me ujë dhe shërbime që lidhen me banimin (+44,4%)
Lëndë djegëse të ngurta (dru zjarri, pelet etj.) (+17,2%)
Energjia elektrike (+16,7%)
Pemë (+15,5%)
Mirëmbajtje dhe riparim i pajisjeve personale të transportit (+15,1%)
Pushime të organizuara (+13,5%)
Mish (+13,1%)
Kafe, çaj dhe kakao (+10,3%)
Qumësht, djathë dhe vezë (+8,7%)
Shërbime hoteliere (+8,6%)
Shërbime ambulantore (+8,2%)
Rritje janë shënuar edhe te produktet bazë si:
Bukë dhe drithëra (+4,9%)
Vajra dhe yndyra (+4,3%)
Duhan (+4,3%)
Veshje (+2,7%)
Perime (+2,7%)
Këpucë (+1,7%)
Këto kategori kanë pasur një ndikim të përbashkët prej 6,2 pikë përqindje në IHÇK.
Ndërkohë, rënie e çmimeve është regjistruar te karburantet dhe lubrifikantët për transport personal (-7,3%), me ndikim negativ prej -0,4 pikë përqindje në indeks.
Janar 2026 / Dhjetor 2025: +1,2%
Në krahasim me muajin dhjetor 2025, inflacioni mujor rezulton 1,2%.
Rritja mujore është ndikuar nga:
Bileta të fluturimeve (+42,1%)
Furnizim me ujë dhe shërbime banimi (+41,4%)
Lëndë djegëse të ngurta (+4,6%)
Perime (+4,2%)
Energjia elektrike (+1,5%)
Pije alkoolike (+1,0%)
Mish (+0,7%)
Ndërsa, karburantet dhe lubrifikantët kanë shënuar sërish rënie (-3,4%), me ndikim prej -0,2% në IHÇK.
Çfarë tregon kjo për konsumatorët?
Rritja e theksuar e çmimeve të energjisë, ujit dhe produkteve ushqimore bazë vazhdon të ushtrojë presion mbi buxhetet familjare. Megjithëse çmimet e karburanteve kanë shënuar rënie, ndikimi i tyre nuk ka mjaftuar për të neutralizuar rritjet në sektorët e tjerë.
ASK ka publikuar gjithashtu tabelat me normat mujore dhe vjetore të inflacionit sipas grupeve dhe nëngrupeve të COICOP-it, duke ofruar pasqyrë të detajuar për strukturën e ndryshimeve të çmimeve në ekonomi. /Kujdestari.info/